الامل .. لو راح

شاعر غريب
الامل
لو راح يروح
كل الطموح من بعدها
الامل اول رصيف
تمشي الحياه من بعدها
لو فيه امل جواك تعيش
لو جوا بحر اسير غرق
قالوا مره كان فيه ناس زمان
نجيوا بقشه من الغرق
اتشعلقوا ب أبسط امور
خلوا ف طريقكوا طاقه نور
ربك بيخلق م المطر
بيحوله ف لحظه لسيول
متسبشي نفسك تحبطك
اليأس وحده يموتك
دور هاتلقي قوتك
تقدر تهد الف سور
جواك حجات لو شفتها
وعرفت تحسن صنعها
هتحولك وتجملك
وتعيش اكيد من بعدها
اجري ورا الحلم اللي فيك
لو توهت منه ها يلاقيك
متبعشي نفسك للظروف
الخوف يقوي القوه فيك
الدنيا فرصه من الهوا
وحياتك انت بين اديك
يا بطوبه تبني لك هرم
يا بطوبه تنهي الباقي فيك
لا يتوفر وصف للصورة.

Read Previous

محافظ الغربية يشارك طلائع الغربية فوزهم بمراكز متقدمة في مسابقة بالعربي talent

Read Next

طارق الأدور يكشف أهم الصعوبات أمام منتخب مصر قبل مواجهة انجولا..

error: حقوق الناشر محفوظة
%d مدونون معجبون بهذه: