الكوع المسحوب ..

كتب دكتور عبد السلام مصطفى

ممكن فجأه تلاقي طفلك راكن ايده ومش بيحركها وممكن كمان بيتوجع ويعيط مع ان الطفل موقعش يعني ولا اتخبط في دراعه ولا حتي في كسر …

بس حضرتك السبب .. ممكن تشده بعنف او تلعب معاه بعنف .. تشيله من ايد واحده ودي بتحصل كتير جدا ولما حذرت ناس منها ، قالولي يا دكتور دا عضمه طري مبيكسرش

اه هو ممكن عضمه طري بس عادي بيكسر ، وكمان بيتخلع .. الصوره اللي تحت ظاهره منتشره

اسمها الكوع المسحوب

pulled elbow( nursemaid elbow)

حالة بتكرر كتير لما الاب أو الأم يحاول يشد أو يسحب ايد الطفل وده بيسبب خلع باعلى عظمة الكعبره بالكوع وخاصة في الاطفال اقل من ست سنوات حركة زي دي بتخلي الطفل عنده ألم شديد في ذراعه ومش قادر يحركه.

لو حصلت حاجة زي كده معاك بتروح لاي دكتور عظام علشان يرد الخلع و يقدر بعد كده الطفل يحرك ذراعه بشكل طبيعي .

*عشان كده بننصح كل الاباء والامهات متحاولش تسحب طفلك من ايده وتبقي حريص علي كده

ثانياً لو حصلت حاجة زي كده قول للدكتور بوضوح انك شديت الولد من ايده وبلاش تحاول تخبئ علشان متدخلش الدكتور في حوارات كتير إحنا في غني عنها

قد يكون كارتون لـ ‏شخص واحد‏

Read Previous

مجلس الأمن يتبنى قرار يلزم حركة طالبان بضمان عمليات الإجلاء الآمن من أفغانستان

Read Next

خشونه المفاصل الأسباب و العلاج

error: حقوق الناشر محفوظة
%d مدونون معجبون بهذه: