النقرس داء الملوك و الفقراء

رؤية مصرية الطبي

التشخيصيا دكتور انا اتشخصت حالتي نقرس رغم ان نتيجة التحليل كويسة طب ازاى ؟؟هو النقرس بيجي قدم واحدة ولا القدمين ؟؟هو مش النقرس بيجي في الكعب ولا فين ؟؟في الحقيقة الاسئلة المتعلقة بالنقرس و اللي بنسمعها من المرضي هي اسئلة كتير جدا لانه موضوع محير و منتشر1- اشهر مكان مؤلم في حالة وجود التهابات نقرس هو وجه القدم العلوى و خصوووووصا اصبع القدم الاكبر2 – الشكوى الشهيرة جدا هي الاحساس بالحرقان و السخونة و الم شديد لاقل لمسة للمكان دة3 – الكعب مكان شهير برده لكن مش اكتر من رقم 14 – مش شرط القدمين يكون فيهم الم ممكن واحدة منهم فيها ترسب املاح اكتر من التاني5 – اكتر من نصف الحالات بيكون تحاليلها سليمة مفيهاش ارتفاع في املاح النقرس ف متستغربش

الأسباب

هل فعلا النقرس دة مرض الاغنية بسبب اكل اللحوم دايما ؟؟

ايه السبب اللي بيخلي النقرس يعلي ؟؟

1- السبب المباشر للنقرس هي طبيعة الجسم ” هو كدة ” في اجسام عندها قابلية لتكوين املاح النقرس و ترسيبها و في اجسام مش كدة

” اختلاف تركيبة الجسم و الانزيمات المسئولة عن هضم البروتين “

2- اللحوم الحمراء و البروتينات و الكحوليات بتساعد جدا جدا علي زيادة و ارتفاع املاح النقرس لكنها مش هى السبب المباشر في المرض

3- لا ، النقرس مش بييجي للاغنية بس ولا حاجة لان اكلاتنا الشعبية زى الفول و العدس بيسببوا ارتفاعه ايضا

4- في فترات الصيام زى رمضان ربنا يتقبله منا جميعا ارتفع بشكل ملحوظ شكوى المرضي بالنقرس و دة بسبب الجفاف و اللي هو سبب مباشر جدا لترسب تلك الاملاح

هل في اكلات معينة بتزود نسبة املاح النقرس ؟؟

طبعا و في الحقيقة هي اطعمة مفيدة عموما لكن تناولها بكثرة هو اللي بيسبب المشكلة و هي مثل :

فاكهة : مانجو و فراولة و مشمش

خضروات : طماطم و سبانخ و باذنجان و قرنبيط

بقوليات : فول و عدس و كشرى و بصارة

لحوم حمراء : كبد و كلاوى و فسيخ و سردين

Read Previous

أحمد عبده يستعد لطرح أحدث كليباته الغنائية «مسكره» مع محمد رشاد

Read Next

سعفان..افتتح أعمال الدورة الرابعة عشر للمؤتمر العام للاتحاد الدولي لنقابات العمال العرب بالغردقة

error: حقوق الناشر محفوظة
%d مدونون معجبون بهذه: