خطوات تنظيف البشره فى البيت

كتب د. عبد السلام مصطفى

مسام بشرتنا بتكون مليانة بلاوي بتتراكم يوم بعد يوم .. جلد ميت من عوامل الجو و الشمس…. دهون و زيوت متراكمة فى المسام …. اتربة …. املاح و ترسبات من استخدام الصابون ….. الخ الخ

الموضوع كله بيتعمل على 4 مراحل :

1_حمام البخار

2_تقشير البشرة

3_غلق المسام

4_الترطيب

نبدأ بأول خطوة حمام

_البخار ..

هنغلى شوية مايه و نحطهم فى طبق واسع … ممكن نحط مع المايه شوية اعشاب زى رشة قرفة …او شوية نعناع … او معلقة زيت لافندر …. و ممكن منحطش عادى جداا

نحط فوطه فوق راسنا و نغطى نفسنا بيها و نقرب وشنا من الطبق بحيث يطلع البخار على وشنا كله و فى نفس الوقت الفوطة تمنعه يخرج بره ….. و معلش نستحمل بقى شوية الحرارة كله بفايدته فى الاخر

ايه فايدة الحمام ده بقا ؟؟؟؟؟

_بيفتح مسام البشرة جدا عشان يكون سهل تنظيف الاوساخ اللى جواها

_بيدوب الدهون اللى موجودة فى الوش و الانف

_بيرطب الوش جداً

_بيطرى الجلد الميت عشان يهيأ البشرة لمرحلة التقشير

الخطوة التانية التقشير :

دى بنعملها عشان نقشر طبقة الجلد الميت اللى على البشرة السطحية و اللى بتكون سبب فى شكل البشرة البهتان و جفافها ….. ممكن يكون معانا نوع سنفرة كويس.

.. او نعمل سنفرة طبيعية فى البيت (معلقتين سكر ناعم ، نقطتين ليمون ، معلقة زيت لوز او زيتون) ان شاء الله

هندعك وشنا بالصنفرة على هيئة حركات دائرية براحة كدة فى اتجاه واحد لمدة 5 دقايق

مش جامد عشان منجرحش بشرتنا ولا براحة اوى عشان نزيل كل طبقة الجلد الميت

بعد كدة نغسل وشنا بمايه دافيه :

الخطوة التالتة غلق_المسام :

بعد الخطوتين اللى فاتوا مسام وشنا بتكون لسه مفتوحة …. و لو سبناها كدة يبقى عملنا تنظيف على الفاضي لأن بمجرد ما نسيبها للجو كل الاتربة و الاوساخ هتدخل جوة المسام تانى …..

عشان كدة لازم نقفل المسام بعد ما نضفناها …. و بنعمل كدة بالتونر ..او التونك ….

…..

ممكن نعمل تونر طبيعي فى البيت اننا نحط ماء ورد فى قوالب تلج و نحطها فى الفريزر لحد ما تتجمد …. و ناخد مكعب و نمشيه علي بشرتنا كلها عشان نقفل بيه كل المسام و هى نضيفة

او نستخدم ماء الورد زي ماهو

الخطوة الاخيرة الترطيب :

اخر حاجة هنعملها لبشرتنا هى الترطيب …. بكريم مناسب لبشرتك زي بانثينول او نيفيا او بيوديرما .

قد تكون صورة لـ ‏‏‏شخص واحد‏، ‏مستحضرات تجميل‏‏ و‏نص‏‏

Read Previous

مفاجأة .. الكركديه الساخن والبارد بيوطو الضغط

Read Next

إرمي يا حجة السم اللي في تلاجتك !!

error: حقوق الناشر محفوظة
%d مدونون معجبون بهذه: