شيش كباب فراخ 

 

كتب/ عمرو سليم

المقادير

2 صدر فرخه مقطعين مكعبات

2 م ك زبادي

1 م ك كاتشب

نص ليمونه معصوره

3 م ك زيت

التوابل ربع م ص كل من

(فلفل اسود.. بابريكا.. توابل فراخ.. توم بودر.. بصل بودر.. كزبره ناشفه.. رشه جنزبيل..ملح حسب الرغبه)

الطريقه..

هنخلط الفراخ ف كل ماذكر فوق

ونسيبها تتبل لمده ساعتين او اكتر

وبعدين هنجيب اعواد الخشب ونحط الفراخ فيها زي ماموضح ف الصور وهنجيب الجريل او الصينيه بتاعتنا وندهنها زيت لحد ماتسخن كويس ننزل بالفراخ لازم الفراخ وهي بتنزل ع الجريل تسمعي صوت ششش كده عشان متنزلش السوايل بتاعتها وتبقي قاسيه مش جوسي

تاخد صدمه من جميع الجوانب ونفضل نحرك فيها عشان تستوي كويس.. وكلي احلي شيش كباب مع ارز او ساندوتشات.

Read Previous

جمبري بالكاري 

Read Next

الوافلز وأسهل طريقة لعمايله في البيت  

error: حقوق الناشر محفوظة
%d مدونون معجبون بهذه: