كفته الحاتي

كتبت توتا مراد

كفته الحاتى لو جربتيها مش هاتشتري كفته تانى من بره …. جربيها فى البيت اضمن واوفر الف مره

كفته الحاتي:

نصف كيلو لحم مفروم

1 معلقه ك بيكنج بودر

1 رغيف عيش فينو صغير منقوع فى لبن ربع ساعه ونصفيه ونضربه فى الكبه لحد مايكون زى المعجون

1 معلقه ك سمنه

بقدونس مفروم ( اختياري )

ملح وفلفل اسود

بصل وتوم بودره

بهارات لحمه وجوزه الطيب وحبهان مطحون

تفل بصلتين وسط ومنرميش الميه هنحتاجها

الطريقه:-

نفرم اللحمه مع تفل البصل وكل البهارات بعد كده نضيف عليها العيش والبيكنج ونكمل ضرب فى الكبه كويس جدا لحد ماتنعم وتلم كوره واحده هننقلها فى بوله ونضيف السمنه والبقدونس ونقلبها كويس وبعد كده نغطيها باسترتش وندخلها الثلاجه ساعه عشان تشمع بعدها نجيب معلقه خشب او مسن سكاكين ونشكل عليه الكفته ونبتدى نصبع عليها الكفته ونجيب بقي ميه البصل ونزود عليها معلقه ص صلصه طماطم ومعلقه ك زيت وملح وفلفل ونبل ايدنا بالميه ونصبع الكفته ونرصها فى صنيه مدهونه زيت وبعد كده ندخلها الثلاجه ساعه كمان وبعد كده ندخلها الثلاجه ساعه كمان بعدها نطلعها على فرن سخن جدا لحد ماتستوي مش هتاخد نص ساعه ولما تطلع نحطلها فحمه وعليها معلقه ص سمنه ونغطيها ربع ساعه وبالف هنااا

قد تكون صورة لـ ‏‏طعام‏ و‏منظر داخلي‏‏

Read Previous

كبدة بالردة

Read Next

كيكة السنيكرز

error: حقوق الناشر محفوظة
%d مدونون معجبون بهذه: