كيكة الحلم

كتب عمرو سليم

المقادير:
للسيرب:
كوب سكر
2 كوب ماء
رشة نسكافية
للكيك:
كوب دقيق (125 جرام)
ثلث كوب كاكاو خام (35 جرام)
معلقة صغيرة بيكينج باودر
معلقة صغيرة بيكينج صودا
نصف معلقة صغيرة نسكافية
كوب سكر بودرة (200 جرام)
بيضة
نصف كوب حليب
ربع كوب زيت نباتي
نصف كوب ماء ساخن
رشة ڤانيليا
لطبقة البودينج:
2 كوب ونصف حليب (625 مل)
نصف كوب سكر (100 جرام)
3 معلقة كبيرة نشا (25 جرام)
ثلث كوب كاكاو خام (35 جرام)
2 معلقة طعام زبدة (30 جرام)
مقادير الطبقة الأخيرة:
200 جرام شوكولاتة
4 معلقة كبيرة حليب
طريقة التحضير 🥣
– لتحضير السيرب: نخلط كوب سكر مع 2 كوب ماء ورشة نسكافية ونحطهم على النار ونسيبهم يغلوا لمدة 5 دقايق.
– في طبق كبير ننخل الكاكاو والدقيق والبيكنج بودر والبيكنج صودا ونسيبهم على جنب.
– في طبق نخلط البيضة مع السكر ورشة الفانيليا ونقلبهم بالمضرب السلك اليدوي وبعدين نضيف الزيت والحليب والنسكافية ونخلطهم كويس.
– نضيف خليط الدقيق ونقلب كويس لحد ما الخليط يبقى ناعم ومتجانس وبعدين نضيف الماء الساخن ونقلب كويس.
نصب الخليط في صينية مدهونة بالزبدة ومرشوشة دقيق بسيط، أو قوالب صغيرة مدهونين بالزبدة ومرشوشين دقيق بسيط.
– ندخلها فرن مسخن مسبقاً على درجة 180 درجة لمدة 25 : 30 دقيقة أو لحد ما تستوي، وعشان نتأكد من السوا نغرس عود اسنان ولازم يخرج نظيف بعد غرسه.
– بعد ما نخرجها من الفرن على طول نسقيها بالسيرب البارد.
– لتحضير البودينج: نخلط الحليب مع السكر والنشا والكاكاو ونحطهم فوق النار ونقلب كويس لحد ما الخليط يتقل وبعدين نرفعه عن النار ونضيف الفانيليا والزبدة ونقلب كويس لحد ما الزبدة تدوب، وبعدين نحطها كطبقة فوق الكيكة ونسويها كويس.
– لتحضير الطبقة الأخيرة: ندوب 200 جرام شوكولاتة مع معلقتين حليب على نار هادية، وبعدين نضيف معلقتين حليب كمان ونقلب كويس، ونحطها كطبقة رقيقة في الصينية أو القوالب، ندخلها الثلاجة لحد ما تبرد خالص وطبقة الشوكولاتة الأخيرة تتماسك وبعدين نخرجها ونرش عليها كاكاو ونقدمها وبالهنا والشفا
قد تكون صورة لـ ‏حلوى‏

Read Previous

كرواسون مورق ناجح وسهل جدا

Read Next

بالصور…جولة صباحية لمحافظ الغربية بالمحلة الكبرى وسمنود

error: حقوق الناشر محفوظة
%d مدونون معجبون بهذه: