كيك الكوكيز بالنوتيلا

كتب/عمرو سليم

المقادير:

– 3 كوب دقيق

– بيضتين

– معلقة صغيرة فانيليا

– نصف كوب سكر أبيض

– نصف كوب سكر بني “ولو مش عارفين تجيبوه ممكن تعملوه سهل جداً هنجيب كباية سكر ٢٠٠ جرام تقريبا ونخلط معاه معلقة عسل اسود كبيرة ونسيبه ينشف لتاني يوم.

– معلقة صغيرة بيكينج بودر

– معلقة صغيرة بيكينج صودا

– رشة ملح

– 200 جرام زبدة بدرجة حراره الغرفه

– كوب ونص قطع شوكولاتة صغيرة “شوكليت شيبس”

– نوتيلا للحشو

طريقة التحضير

– نخلط الدقيق مع البيكينج بودر والبيكينج صودا ورشة الملح.

– نخفق الزبدة مع السكر ونضيف البيض والفانيليا لحد ما تتجانس المكونات مع بعضها.

– نضيف خليط الدقيق بالتدريج مع الاستمرار في الخفق، وبعدين نضيف قطع الشوكولاتة ونخلطها كويس في العجينة، هنلاحظ إن عجينة كيك الكوكيز تشبه عجينة البسكويت مش سايلة زي عجينة الكيك العادي.

– ندهن صينية أو قالب بالزبدة مع رشة دقيق عشان الكيك مايلزقش وبعدين نصب نصف العجينة ونفردها كويس ونحط عليها النوتيلا وبعدين نصب باقي العجينة فوقها.

– ندخل الصينية الفرن على الرف اللي في النصف على درجة حرارة 200 لمدة 25 – 30 دقيقة ونشغل الشواية اللي فوق لمدة دقيقة لحد ما ياخد لون ذهبي.

– نخرج الكيك من الفرن ونزين السطح بشوكليت شيبس أو بقطع شوكولاتة M&M’S ونسيبه يبرد خالص وبعدين نقطعه ونقدمه.

قد تكون صورة لـ ‏حلوى‏

Read Previous

تَرقِيم المَنازِل فِي شَوارع المَحرُوسهـ مَتي عَرفهُـ المَصريون؟

Read Next

لقاء وزير الكهرباء والطاقة المتجددة مع سفير سنغافورة بالقاهرة

error: حقوق الناشر محفوظة
%d مدونون معجبون بهذه: