مفاجأة .. الكركديه الساخن والبارد بيوطو الضغط

كتب د. عبد السلام مصطفى

هتتفاجئ من الكلام دا

الاسطورة بتقول إن الكركديه الساخن يعلي الضغط

والكركديه الساقع بيوطي الضغط (الكلام ده غلط)

= طيب الصح ايه؟

الاتنين سخن وساقع بيوطوا الضغط

وخللي بالك انك لما تغلي الكركديه مع الماء بتكسر المواد الفعاله ال فيه

يعني الخلاصه:

منقوع الكركديه في الماء البارد لفتره كويسه .

او إضافة ماء ساخن له ويترك من 5 دقايق إلى 10 دقائق

* في اعتقاد صحيح أن الموالح والحوادق بيرفعو الضغط

لكن في اعتقاد غلط إن الحلويات والعصاير بتوطي الضغط

والصح إن الملح بيرفع الضغط ..والعصائر والسوائل برضه ممكن ترفع الضغط بنسب بسيطة لكن مش زي الحادق

*في اعتقاد ان عصير تانج علشان فيه فينيل الانين بيسبب تاخر عقلي للطفل وشلل الاطفال ( غلط)

= الكلام ده غلط طبعا ، دا يحصل لو الطفل بيسف المادة دي لان النسب فيه لا تتخطى الدرجه دي والنسبه مطابقه للمواصفات العالمية

* في اعتقاد ان اكل السمك والبيض لو عندنا برد لأنهم بيزودوا البرد ويظهروه

كلام غير صحيح

الصح ان السمك والبيض ملهومش تأثير في البرد وعادي ناكلهم مفيدين جدا أثناء البرد لأن البيض والسمك فيهم بروتين والبروتين عبارة عن امينو اسيد مفيد جدا لمقاومة ومناعة الجسم لفيروس الانفلونزا. ..

إلا لو عندنا حساسية منهم ساعتها بس بلاش نأكلهم

* في اعتقاد إن الشاي ممنوع بعد تناول الأكلات اللى فيها حديد بكل انواعها لان حمض التانيك بيرتبط بالحديد وبيمنع امتصاصه

= كلام مش دقيق

لان الحديد نوعين نوع موجود في اللحوم والفراخ والسمك دا مش بيتاثر بالشاي

ونوع تاني موجود في النباتات زي الباذنجان والسبانخ ودا النوع ال ممكن يتاثر بالشاي ويقلل امتصاصه

* في اعتقاد انه ممنوع نغلى أو نسخن الليمون أو أى حاجة فيها فيتامين سي لأن الحراره بتكسر الفيتامين

= كلام مش دقيق اوي

الصح : أن بردو مش كل المصادر للفيتامين سي بتتأثر بالحراره ودرجه الحراره بتتفاوت في كل مصدر منها على حسب المدة والنبات…

يعني مثلا نبات الفلفل الغني جدا بفيتامين سي لو اتسخن لمدة خمس دقائق كاملين هيفقد 11.7 بس من vitamin C الموجود فيه

على عكس لو اتسخن لمدة نص ساعه هيفقد 64% من قيمه فيتامين سي ..وكذلك الموضوع مع الليمون والسبانخ والجزر

قد تكون صورة لـ ‏‏‏شخص واحد‏، ‏وقوف‏‏ و‏منظر داخلي‏‏

Read Previous

حادثين بالطريقين الشرقى والغربى ببنى سويف

Read Next

خطوات تنظيف البشره فى البيت

error: حقوق الناشر محفوظة
%d مدونون معجبون بهذه: