ستيك مشوي بصوص الجريفي

 

كتبت رنوة

يامساء الهنا والسعاده تعالوا اقلوكوا احلي طبق مطاعم تعملوه في البيت هنعمل ستيك مشوي بصوص الجريفي بطريقه جديده خالص للصوص معتقدش حد عملها ومن غير بودره الديميجلاس وكمان احلي ماش بوتيتو وهم

الطريقة

هنجيب شرايخ استيك من التي بون او الريب اي ده نوعها هنتبلها ملح وفلفل ولو فيه زبده طريه نكههيها بزعتر وروز ماري فريش وادهني وش وضهر الاستيك وخدي بالك الاستيك يبقي بدرجه حراره الغرفه

هنجيب جريل او طاسه سخنه جدااا هندي للاستيك صدمه كل وش خمس دقايق بالكتير اوووعي تزودي عن كده هينشف واووعي تضغطي عليه سيبيه زي ماهو وبعدين تشيليه ورصيهم في طبق وغطيه بسرعه بفويل اوعي تقدميه الا لما يتغطي عشان يبقي جوسي وينزل العصاره اللذيذه بتاعه

الصوص الخطير

في نفس الطاسه هنحط زبده وزيت وننزل ببصلتين مفرومين ناعم واربع فصوص توم ونقلب كويس جدااا هنلاقي البصل بقي بني بسبب مكان شوي اللحمه ده المطلوب وهننزل بمشروم ومعلقه كبيرخ دقيق ممسوحه ونقلب كويس وننزل بملح وفلغل ونقلب وكوبايه ميه ونسيبيهم يتقلوا شويه عاوزه الصوص غامق متحطيش كريمه طبخ عاوزاه فاتح شويه حطي ربع كوب كريمه طبخ وقلبي وبعدين حطي الصوص الجميل ده في الكبه او الخلاط واضربيه كويس جدا طلع احلي صوص جريفي في الدنيا .

الاستيك كمان هينزل الجوسي بتاعه في الطبق ساعه التقديم انا حطيته عليه وهتلاحظوا في الصور انه كتيير

الماش بوتيتو

بطاطس متقطعه مكعبات هسلقها كويس واصفيها وهيا سخنه هحط عليها مكعب زبده ونص كوب كريمه طبخ او حليب وملح واربع فصوص توم مفرومين واهرسهم كويس جدااااا وساعه التقديم احط علي وشها صوص

Read Previous

الإغماء المفاجئ الأسباب و العلاج

Read Next

التعليم العالي .. عقد الجولة السادسة للاختبارات الإلكترونية للجامعات الأهلية يومي الأربعاء والخميس الموافقين 1 و2 سبتمبر

error: حقوق الناشر محفوظة
%d مدونون معجبون بهذه: